Масква з самай раніцы пад ударам дронаў: гарыць НПЗ, у горадзе слупы дыму

• 18.06.2026, 7:37

Расійскую сталіцу «дабіваюць».

Раніцай у чацвер, 18 чэрвеня, дроны масіравана атакуюць Маскву. Расіяне скардзяцца на пралёты дронаў, гукі выбухаў і пажар на НПЗ.

Пра гэта паведамляе РБК-Украіна са спасылкай на расійскія тэлеграм-каналы.

Пачынаючы з 4 раніцы ў розных публічных суполках пачалі распаўсюджвацца кадры, на якіх відаць пралёт дронаў над Масквой і Падмаскоўем.

Літаральна праз 40 хвілін пасля гэтага мэр Масквы Сяргей Сабянін пачаў справаздачацца пра нібыта збітыя дроны, якія ляцяць на сталіцу РФ. Паводле стану на 05:43 такіх беспілотнікаў ужо налічвалася 33 адзінкі.

Паралельна і прынамсі да 6 раніцы ў сетцы з’яўляліся ўсё новыя і новыя кадры з дронамі. Акрамя таго, на ўскраінах Масквы і не толькі былі зафіксаваныя слупы дыму і пажары.

Як сцвярджаюць OSINT-паблікі, адзін з прылётаў прыйшоўся на НПЗ у Капотні (раён на ўскраіне Масквы). Пасля прылёту ў раёне аб’екта ўзнік буйны пажар, гараць як мінімум два рэзервуары.

Таксама ў сетцы былі кадры, на якіх было бачна, што ў горадзе пашкоджаныя некаторыя будынкі.

Мэр Сабянін паведаміў, што на тэрыторыі ГЦ «Садавод» зафіксаваныя падзенні абломкаў дронаў і нязначныя пашкоджанні аднаго з будынкаў. Пры гэтым пра атаку на НПЗ маўчыць.

Абноўлена

Сабянін афіцыйна прызнаў, што ў Маскве атакаваны НПЗ.

«Сілы СПА працягваюць адбіваць масіраваную атаку. Некалькім беспілотнікам удалося дасягнуць МНПЗ. Прымаюцца меры па ліквідацыі наступстваў», — напісаў ён.