«Герой СВА» заклікаў расіян да пратэстаў каля Крамля

• 19.06.2026, 16:35

У акупанта ўзніклі пытанні да ўладаў РФ.

У сеціве з’явіўся відэазварот абуранага расійскага вайскоўца, так званага «героя спецаперацыі», які на фоне ракетных удараў і атак БПЛА па Маскве заклікаў суайчыннікаў да масавых пратэстаў у цэнтры сталіцы РФ.

Акупант эмацыйна адрэагаваў на няздольнасць Мінабароны РФ абароніць неба над Масквой і Падмаскоўем, канстатаваўшы, што краіна-агрэсар апынулася на мяжы маштабнай катастрофы.

Вайсковец РФ заявіў, што калі сітуацыя не зменіцца цягам некалькіх дзён, адзіным выхадам для расіян стане масавае скупчэнне каля будынка Міністэрства абароны або пад сценамі Крамля, каб «задаць пытанні» кіраўніцтву дзяржавы.

«Сябры, яшчэ раз добрай раніцы ўсім, - сказаў ён. - Яна, вядома, ні х…я не добрая. У мяне застаецца толькі адзінае дапушчэнне, варыянт. Паглядзець цяпер дзень, два, тры на тое, што адбываецца. Як мы будзем дзейнічаць далей.

Варыянт першы. Збірацца ў групкі, прыходзіць у цэнтр Масквы. Культурна, мірна, без усякіх намераў. Сабрацца недзе ў цэнтры, каля Міністэрства абароны, каля Крамля. І задаць пытанні. Што адбываецца?

Гэта адзіны варыянт, які, на мой погляд, застаецца. Бо далей, калі мы проста будзем моўчкі назіраць за тым, што адбываецца, і ні х…я не рабіць, у нас проста не застанецца краіны, у нас не застанецца дому, у нас не застанецца радзімы».

Увага! Ненарматыўная лексіка!