Нарвежскія дэпутаты прама ў парламенце «ўзяліся за вёслы» дзеля зборнай на ЧС-2026

• 19.06.2026, 18:20

Відэахіт.

Дэпутаты падтрымалі фанатскі трэнд, які стаў асабліва папулярным на мундыялі.

Зборная Нарвегіі ў першым туры сусветнага першынства разграміла Ірак і цяпер рыхтуецца да матчу з Сенегалам (23 чэрвеня). А нарвежскія балельшчыкі шалёна падтрымліваюць сваю каманду, якая ўпершыню за 28 гадоў прыехала на чэмпіянат свету.

І падтрымліваюць вельмі арыгінальна. Тысячы фанатаў садзяцца на трыбунах і пачынаюць сінхронна рабіць глыбокія махі рукамі, імітуючы грэблю вёсламі на традыцыйным скандынаўскім караблі — драккары. Візуальна гэта выглядае так, нібы ўвесь сектар стадыёна ператвараецца ў адну велізарную лодку. На кожны мах балельшчыкі магутна выкрыкваюць нарвежскае слова Ro! (у перакладзе — Грабі!). Тэмп задаюць барабаншчыкі ультрас і гукі традыцыйных горнаў, таму збоку гэта нагадвае баявы рытуал.

І такое падчас чэмпіянату свету нарвежцы робяць не толькі на стадыёне, але і на вуліцах амерыканскіх гарадоў.

А цяпер трэнд дабраўся да парламента. Нарвежскія дэпутаты ўладкавалі «грэблю» проста ў зале, каб падтрымаць нацыянальную зборную па футболе.