Сабаленка здзейсніла камбэк і выйшла ў паўфінал турніру ў Берліне

• 19.06.2026, 19:12

Беларуска перамагла чэшку Бартункову.

Першая ракетка свету Арына Сабаленка прабілася ў паўфінал турніру катэгорыі WTA 500 у Берліне.

У чвэрцьфінальным матчы беларуская тэнісістка сустрэлася з чэшкай Ніколь Бартунковай (62-е месца ў рэйтынгу WTA). Пачатак сустрэчы застаўся за прадстаўніцай Чэхіі, якая ўпэўнена выйграла першы сэт з лікам 6:2.

Аднак потым Сабаленка здолела пераламаць ход супрацьстаяння. У другім сэце беларуска зрабіла камбэк з 0:4 і аказалася мацнейшай на тай-брэйку — 7:6, а ў вырашальным сэце дадавіла суперніцу з лікам 6:4.

Такім чынам, Арына здабыла валявую перамогу — 2:6, 7:6, 6:4 — і выйшла ў паўфінал спаборніцтваў. Матч працягваўся дзве гадзіны 25 хвілін.

Наступнай суперніцай Сабаленкі стане амерыканка Джэсіка Пэгула, якая займае чацвёртае месца ў сусветным рэйтынгу.