Украінцам у Крыме параілі пакінуць паўвостраў

• 19.06.2026, 22:01

ЗСУ нарошчваюць удары па ваенных аб'ектах расійскіх акупантаў.

Жыхарам часова акупаванага Крыму раяць пакінуць паўвостраў у сувязі з актывізацыяй удараў па ваенных аб'ектах РФ і пагрозай прымусовай мабілізацыі.

Пра гэта паведамляе Charter97.org са спасылкай на Прадстаўніцтва Прэзідэнта Украіны ў Аўтаномнай Рэспубліцы Крым.

Паводле інфармацыі Прадстаўніцтва Прэзідэнта, у апошнія тыдні ўкраінская армія актывізавала кампанію супраць расійскай ваеннай групоўкі.

Пад удары трапляюць масты, пераправы, паліўныя базы і іншыя аб'екты, якія Расія выкарыстоўвае для вядзення вайны.

У ведамстве падкрэсліваюць, што ЗСУ ваююць выключна з акупантамі, а цяперашняя «ізаляцыя» паўвострава скіраваная толькі на знішчэнне патэнцыялу ворага.

Жыхароў Крыму заклікаюць дзейнічаць узважана і выконваць асноўныя правілы, якія могуць выратаваць жыццё:

Трымайцеся падалей ад ваенных аб'ектаў — базы, склады, СПА і лагістычныя вузлы расіян з'яўляюцца зонамі падвышанай небяспекі.

Рэагаваць на небяспеку — падчас выбухаў або трывогі трэба неадкладна хавацца.

Зрабіць запасы — праз перакрыццё лагістыкі ворага магчымыя праблемы з пастаўкамі, таму варта мець дома ваду, ежу і лекі на некалькі дзён.

Пазбягаць прымусовай мабілізацыі — акупанты рыхтуюць новую хвалю прызыву, каб выкарыстоўваць мясцовых жыхароў у якасці «гарматнага мяса».

«Тым, у каго ёсць такая магчымасць, — перадусім сем'ям з дзецьмі, пажылым людзям і тым, хто мае патрэбу ў сталым медыцынскім доглядзе, — рэкамендуем разгледзець магчымасць часовага выезду з паўвострава», — адзначылі ў Прадстаўніцтве.