Іран адмяніць зборы за транзіт праз Армузскую пратоку

• 19.06.2026, 23:32

На 60 дзён.

На час 60-дзённага перамоўнага перыяду Іран адмовіцца ад запланаваных збораў за карыстанне пратокай у межах мемарандума аб узаемаразуменні, падпісанага ЗША і Іранам. Пра гэта 19 чэрвеня паведаміла іранскае ведамства, адказнае за Армузскую пратоку.

Адзначаецца, што судны, якія жадаюць прайсці праз пратоку падчас дзеяння папярэдняга пагаднення, павінны накіраваць запыт на транзіт не менш як за 48 гадзін да прыбыцця.

На гэты перыяд Іран адмяніць зборы за прадастаўленне паслуг у сферы бяспекі і экалогіі, а таксама звязаныя з імі страхавыя ўзносы, пры гэтым патрабуючы ад суднаў загадзя ўзгадняць маршрут і час транзіту ў сувязі з наяўнасцю замініраваных участкаў.