Украінскія беспілотнікі паразілі расійскі сухагруз у порце Бердзянска

• 2.06.2026, 0:02

Відэа.

Падраздзяленні Сіл беспілотных сістэм УСУ паразілі расійскі сухагруз «Леанід Пестрыкаў», які знаходзіўся ў порце часова акупаванага Бердзянска.

Пра гэта паведамляе РБК-Украіна са спасылкай на заяву 422-га асобнага палка беспілотных сістэм.

«Папярэдне калегі нанеслі паражэнне БПЛА класа \"фронтстрайк\", для такой мэты гэтага недастаткова, рашэннем камандзіра 17-га АК тэрмінова быў прыцягнуты 422-і АП БпС LUFTWAFFE, БПЛА \"мідлстрайк\" «Зозуля», кумулятыўна-фугасны зарад БЧ 50 кг», — гаворыцца ў паведамленні.

Таксама адзначаецца, што расійскае судна атрымала істотныя пашкоджанні.

«Леанід Пестрыкаў» — універсальнае сухагрузнае судна марскога і змешанага рака/мора плавання, якое РФ выкарыстоўвае ў грузаперавозках у Чорным і Міжземным морах. Судна 2021 года выпуска, 141 м у даўжыню, з дэдвейтам 8,1 тыс. тон і двума грузавымі трумамі.

У 2023 годзе судна трапіла пад санкцыі ЗША ў межах абмежаванняў супраць суднаў, звязаных з расійскай транспартнай інфраструктурай. У 2025 годзе Украіна ўвяла санкцыі супраць судна як супраць элемента «ценявога флоту».

Судна «Леанід Пестрыкаў» выкарыстоўвалася для перавозкі ўкраінскага зерня з часова акупаванага Бердзянска і выконвала рэйсы з акупаванага Севастопаля. Яно дастаўляла грузы ў парты Сірыі і іншых краін Блізкага Усходу; рэгулярна заходзіла ў парты РФ, Турцыі, Егіпта, Азербайджана і Ірана.

Таксама фіксаваліся выпадкі адключэння AIS (сістэмы ідэнтыфікацыі судна), што разглядаецца як прыкмета ўтаення маршруту.