Пад Краснадарам пасля ўдараў дронаў гарыць буйны НПЗ

• 2.06.2026, 7:58

З’явіліся кадры атакі.

У ноч на 2 чэрвеня украінскія беспілотнікі атакавалі стратэгічныя аб’екты ў Краснадарскім краі РФ. Адной з цэляў стаў Ільскі нафтаперапрацоўчы завод, які выкарыстоўваецца для забеспячэння расійскай арміі палівам, піша «Диалог».

Пра выбухі ў раёне прадпрыемства мясцовыя жыхары пачалі паведамляць ранняй раніцай. Апублікаваныя ў сацыяльных сетках фота і відэа сведчаць пра ўзнікненне пажару на тэрыторыі завода пасля атакі БПЛА.

На момант публікацыі губернатар Краснадарскага краю Веніямін Кандрацьеў сітуацыю не каментаваў. У той жа час Аператыўны штаб рэгіёна пацвердзіў факт узгарання на Ільскім НПЗ, заявіўшы, што пажар адбыўся ў выніку атакі беспілотнікаў. Дадатковыя падрабязнасці не раскрываюцца.

Ільскі НПЗ лічыцца адным з найбуйнейшых нафтаперапрацоўчых прадпрыемстваў поўдня Расіі.