У Белгарадскай вобласці гарыць важнае расійскае прадпрыемства

• 2.06.2026, 9:30

Відэафакт.

Уначы на 2 чэрвеня Украіна нанесла ўдар па аб'ектах на тэрыторыі Расіі пасля чарговай масіраванай атакі РФ па ўкраінскіх гарадах. Як паведамляе «Дыялог», адной з мэтаў стала Белгарадская вобласць.

Першыя паведамленні пра выбухі з'явіліся пад раніцу. У мясцовых Telegram-каналах былі апублікаваныя кадры прылётаў у Аляксееўцы, дзе пасля атакі ўспыхнуў пажар.

Паводле даных OSINT-аналітыкаў, удар прыйшоўся па тэрыторыі прадпрыемства «Мелзавод ЭГА». На апублікаваных відавочцамі фота і відэа відаць, што ўзгаранне аказалася даволі маштабным: густы дым і полымя былі прыкметныя з розных частак населенага пункта. Інфармацыя пра наступствы і магчымыя пашкоджанні аб'екта ўдакладняецца.