У Мінску ўсплылі бракаваныя долары

• 2.06.2026, 10:32

Як яны выглядаюць.

Незвычайную купюру наміналам 100 долараў праверылі судовыя эксперты ў Мінску. Супрацоўніку банка банкнота падалася падазронай, таму яе накіравалі на экспертызу.

Падчас праверкі спецыялісты выявілі, што ахоўная нітка і вадзяны знак на купюры размешчаныя не так, як павінна быць у банкнотах гэтага наміналу і серыі. Аднак даследаванне паказала, што гаворка ідзе не пра падробку.

Эксперт прыйшоў да высновы, што банкноту выпусцілі на прадпрыемстве, якое друкуе долары, а выяўленыя адрозненні звязаныя з адхіленнем ад тэхналагічнага працэсу пры вытворчасці.