У анексаваным Крыме чаргі па бензін дасягаюць трох кіламетраў

• 2.06.2026, 11:34

Вадзіцелі паказалі відэа.

У анексаваным Крыме назіраецца абвастрэнне дэфіцыту аўтамабільнага паліва. Паводле дадзеных «Дыялога», які спасылаецца на маніторынг сацыяльных сетак, на аўтазаправачных станцыях утвараюцца чаргі даўжынёй да 3 кіламетраў і больш.

Паведамляецца, што расійскія акупацыйныя сілы адчуваюць сур'ёзныя цяжкасці са забеспячэннем палівам і гаруча-змазачнымі матэрыяламі, у тым ліку праз удары Сілаў абароны Украіны па лагістычнай і нафтавай інфраструктуры.

На фоне дэфіцыту прыярытэт у пастаўках, паводле звестак крыніц, аддаецца вайскоўцам, тады як забеспячэнне грамадзянскага насельніцтва скарачаецца. Відэа з чаргамі на запраўках публікуе Telegram-канал Exilenova+.

У канцы мая акупацыйная адміністрацыя Крыму ўвяла абмежаванні на продаж бензіну А-95 — не больш за 20 літраў на суткі на аднаго чалавека, а таксама талонную сістэму на паліва.

Кіраўнік акупацыйнай адміністрацыі Сяргей Аксёнаў заявіў, што сітуацыя з забеспячэннем палівам можа стабілізавацца прыкладна цягам месяца.