Беларус Арцём Каралек стаў чэмпіёнам Польшчы па гандболе

• 2.06.2026, 11:39

Яго «Кельце» разграміла «Віслу» ў фінале Суперлігі.

У другім матчы фінальнай серыі чэмпіянату Польшчы па гандболе ў Суперлізе «Кельце», за якое выступае беларус Арцём Каралек, перамагло «Віслу» іншага беларуса Кірыла Самойлы з лікам 36:27 і стала чэмпіёнам краіны, паведамляе «Радыё Рацыя».

Каралек адзначыўся двума закінутымі мячамі, Самойла — адным.

Для «Кельце» гэта перамога ў турніры стала першай з 2023 года.

Акрамя таго, Арцём Каралек увайшоў у сімвалічную зборную чэмпіянату Польшчы. Беларус прызнаны найлепшым на пазіцыі лінейнага.

Ён стаў адзіным прадстаўніком «Кельце» сярод лаўрэатаў.