Эксперты назвалі смартфоны з найлепшымі камерамі

• 2.06.2026, 12:22

Сярод іх ёсць нават бюджэтнік.

Абраць ідэальны смартфон для фота цяпер — няпростая задача, бо кожны вытворца робіць стаўку на ўласныя ўнікальныя тэхналогіі. Аднак аўтары TechRadar вызначыліся са сваім фаварытам і назвалі найлепшыя камерфоны 2026 года.

Першае месца ў рэйтынгу заняў iPhone 17 Pro Max. На думку экспертаў, менавіта флагман ад Apple забяспечвае найбольш натуральную перадачу колераў, высокі ўзровень дэталізацыі і найлепшы на рынку відэарэжым. Прычым у любых умовах — і днём, і ўначы.

Найлепшым Android-смартфонам для фатаграфіі прызналі Samsung Galaxy S26 Ultra. Мадэль атрымала ўніверсальную сістэму камер з галоўным сенсарам на 200 Мп і ўражлівымі магчымасцямі зуму, што робіць яе аптымальным выбарам для здымкі аддаленых аб’ектаў.

Таксама ў спіс найлепшых увайшлі:

OnePlus 15 — найлепшы варыянт для здымкі рухомых аб’ектаў дзякуючы хуткаму аўтафокусу і якаснаму набліжэнню;

Pixel 10 Pro XL — бясспрэчны лідар у вылічальнай фатаграфіі і функцыях ШІ;

Samsung Galaxy Z Fold 7 — найлепшы складаны смартфон для фота і відэа;

Pixel 10a — найлепшы бюджэтны камерфон, які, нягледзячы на цэннік каля $500, абсталяваны тымі ж функцыямі на базе штучнага інтэлекту, што і мадэлі Pixel 10 Pro.