Трамп прызначыў кіраўніком Нацразведкі дырэктара агенцтва жыллёвага фінансавання

• 2.06.2026, 18:20

Дзейная кіраўніца Нацразведкі Тулсі Габбард падала ў адстаўку з 30 чэрвеня.

Новым выконваючым абавязкі дырэктара Нацыянальнай разведкі ЗША прызначаны Уільям Пултэ, заявіў прэзідэнт краіны Дональд Трамп у сваёй сацыяльнай сетцы Truth Social.

Путле ўзначальвае Федэральнае ўпраўленне жыллёвага фінансавання, таксама ён старшыня іпатэчнага агенцтва Fannie Mae / Freddie Mac. Трамп сцвярджае, што ён застанецца на гэтых пасадах пасля прызначэння.

Трамп таксама заявіў, што Путле валодае «багатым досведам у вырашэнні найболей далікатных пытанняў у Амерыцы, звязаных з бяспекай і стабільнасцю рынкаў». Паводле слоў прэзідэнта ЗША, Путле здолеў павялічыць аб'ём актываў Fannie Mae / Freddie Mac на $10 трлн.

У маі экс-кіраўніца Нацыянальнай разведкі ЗША Тулсі Габбард абвясціла пра сваю адстаўку. У сваёй заяве, адрасаванай Трампу, яна патлумачыла, што сыходзіць у сувязі з хваробай мужа: у яго выявілі рэдкую форму раку костак.