У гомельскай бальніцы загадчык гаспадаркі гадамі накіроўваў рабочых будаваць яму дачу

• 2.06.2026, 22:09

Што было далей.

Загадчык гаспадаркі адной з гомельскіх бальніц на працягу некалькіх гадоў накіроўваў падначаленых на будоўлю і рамонт уласнай дачы, паведамілі ў прэс-службе Гомельскага УУС.

Пры гэтым праца ў бальніцы амаль не вялася.

Аднак работнікі атрымлівалі звычайны заробак.

Карупцыйную схему выявілі супрацоўнікі аддзела па барацьбе з эканамічнымі злачынствамі.

Па выніках праверкі высветлілася, што службовая асоба хавала адсутнасць людзей на працоўных месцах.

«Фігурант уносіў у табелі ўліку часу загадзя ілжывыя звесткі, згодна з якімі ім [работнікам. — Заўв.] спраўна налічваўся дзяржаўны заробак», — распавялі праваахоўнікі.

Такім чынам, за ўвесь час неабгрунтавана было выплачана 45 тыс.

Следчыя ўзбудзілі крымінальную справу за перавышэнне ўлады або службовых паўнамоцтваў, учыненае з карыслівай або іншай асабістай зацікаўленасці.

Цяпер загадчыку гаспадаркі пагражае да 10 гадоў пазбаўлення волі.