Экіпажы МіГ-29 двума авіяўдарамі разбурылі будынак са скупчэннем акупантаў
- 20.06.2026, 11:59
Украінскі пілот падзяліўся ўнікальнымі кадрамі з кабіны.
Экіпажы знішчальнікаў МіГ-29 Паветраных сіл Украіны нанеслі ўдар па месцы дыслокацыі расійскіх вайскоўцаў на адным з напрамкаў фронту.
Кадрамі баявых дзеянняў падзяліўся украінскі пілот у сваім Telegram-канале «Подсолнух».
На відэа зафіксавана, як па будынку, дзе базаваўся значны асабовы склад акупантаў, былі нанесены два магутныя ўдары авіябомбамі.
У выніку ўдару большая частка будынка была разбурана, а жывая сіла праціўніка — ліквідавана.