Беларусь ахапіла спякота да +33°С

• 20.06.2026, 12:15

Пік тэмпературы будзе на паўднёвым захадзе краіны.

Белгідрамет абвясціў на суботу жоўты ўзровень небяспекі з-за спякоты.

Удзень 20 чэрвеня месцамі па паўднёвым захадзе краіны максімальная тэмпература паветра дасягне +30°С.

Ападкаў у суботу пераважна не чакаецца.

Удзень нядзелі ў многіх раёнах пройдуць кароткачасовыя дажджы, месцамі навальніцы з моцным ветрам. Уначы +9…16°С, на захадзе да +18°С, удзень ад +24°С на поўначы да +33°С на паўднёвым захадзе.

Рэкамендацыі МНС пры спякоце:

як мага менш знаходзіцца на сонцы, асабліва ў перыяд ягонай максімальнай актыўнасці — з 12.00 да 16.00;

ужываць як мага больш вадкасці (ахалоджаная вада, мінеральная вада);

па магчымасці абмежаваць працяглыя паездкі на аўтамабілі;

не пакідаць дзяцей у салоне аўтамабіля, які стаіць, нават на кароткі час.