У Беларусі стартаваў турнір па балотным футболе

• 20.06.2026, 17:36

Гульні праходзяць на тарфяных палях.

VIII Рэспубліканскі турнір па тарфяным футболе стартаваў у Пухавіцкім раёне, піша БелТА.

Тарфяны (балотны) футбол — адно з самых відовішчных спартыўных падзей. Замест траўянага газона гульня адбываецца на тарфяных палях у экстрэмальных для гульцоў умовах.

Паводле слоў міністра энергетыкі Дзмітрыя Мароза, торф шмат гадоў застаецца ў краіне запатрабаваным, і пошук магчымасцей для яго выкарыстання не спыняецца.

«Сённяшняе мерапрыемства — яшчэ адна магчымасць, якая дазваляе прыцягнуць увагу да нашага нацыянальнага здабытку», — адзначыў ён.

Сёлета за перамогу змагаюцца 27 каманд: энергетікі, прадстаўнікі цэментнай галіны, Мінскага абласнога выканаўчага камітэта, СМІ, студэнты БНТУ і каманда з Расіі.

Акрамя матчаў, гасцей чакаюць канцэрт, фуд-корты, інтэрактыўныя пляцоўкі і конкурсы, а таксама святочны феерверк.

Тарфяны футбол як від спорту з'явіўся ў Фінляндыі і атрымаў міжнародны статус у 2000 годзе. У 2016 годзе спаборніцтвы па тарфяным футболе арганізавалі ў Беларусі, а з 2019 года яны праводзяцца ў краіне штогод.