Падазронаму ў забойстве Сямёна Скрэпецкага прад’явілі абвінавачанне

• 20.06.2026, 18:32

Ён не прызнаў сябе вінаватым і адмовіўся даваць паказанні.

Пракурор Люблінскага аддзела па барацьбе з арганізаванай злачыннасцю Дзяржаўнай пракуратуры прад’явіў грамадзяніну Грузіі Эльнуру А. абвінавачанне ў забойстве ў Бяла-Падлясцы грамадзяніна Расійскай Федэрацыі. Пра гэта Дзяржаўная пракуратура Польшчы паведаміла на платформе X.

«Дапытаны ў якасці падазраванага Эльнур А. не прызнаў сябе вінаватым у здзяйсненні інкрымінаванага яму дзеяння і адмовіўся даваць паказанні», — гаворыцца ў паведамленні пракуратуры ў сацсетцы X.

Пракуратура падала ў суд хадайніцтва аб часовым арышце Эльнура А. на тры месяцы.

Нагадаем, 15 чэрвеня каля дзесятай гадзіны раніцы ў Бяла-Падлясцы, на стаянцы каля скрыжавання вуліц Тэрэбельскай і Каралевы Ядвігі, выстрэламі з агнястрэльнай зброі быў забіты 44-гадовы грамадзянін Расіі, які пражываў у гэтым горадзе. Ім аказаўся антыпуцінскі мастак-карыкатурыст, бард, акцыяніст і блогер Сямён Скрэпецкі (сапраўднае імя — Роберт Кузоўкаў).