У Беларусі ўсталюецца мяккае летняе надвор'е

• 20.06.2026, 21:55

Сіноптык распавёў, якім будзе надвор'е на наступным тыдні.

Апошняя дэкада чэрвеня ў Беларусі пройдзе без анамальнай спёкі і з частымі дажджамі — такі прагноз на тыдзень з 22 па 28 чэрвеня даў сіноптык Дзмітрый Рябоў у эфіры АНТ.

Надвор'е на найбліжэйшым тыдні будуць вызначаць атлантычныя цыклоны. Яны прынясуць у Беларусь навальніцы, ліўні, месцамі град і парывісты вецер. Тэмпература застанецца ў межах нормы для канца чэрвеня.

У панядзелак краіну накрые актыўны атмасферны фронт: у большасці раёнаў чакаюцца кароткачасовыя дажджы, месцамі — моцныя ліўні з навальніцамі. Пад раніцу — туман. Вецер паўночна-заходні, парывісты. Уначы +14...+20°С, удзень — ад +22°С на поўначы да +28°С на поўдні.

Аўторак абяцае перапынак: істотных ападкаў не чакаецца, воблачнасць зменная. Вільготнасць пры гэтым застанецца высокай — да 90%. Уначы ад +12 да +17°С, удзень ад +21 да +27°С.

У сераду з Балтыйскага мора прыйдзе чарговы актыўны фронт. Дажджы, навальніцы і моцныя ліўні чакаюцца ў большасці раёнаў, вецер — заходні і паўночна-заходні, часам моцны. Уначы +12...+17°С, удзень ад +19°С на паўночным захадзе да +25°С на поўдні.

Падобная карціна — у чацвер: атмасферны фронт з паўночнага захаду Еўропы прынясе дажджы ў большасці раёнаў, магчымыя навальніцы. Уначы +13…+17°С, удзень — ад +15°С на поўначы да +21°С на паўднёвым усходзе, падчас ападкаў на пару градусаў прахаладней.

Пятніца стане адным з самых прахалодных дзён: уначы ад +9 да +15, удзень — ад +17 да +22. Чакаюцца лакальныя дажджы, вецер свежы і парывісты.

У суботу і нядзелю ўсталюецца вобласць павышанага ціску, аднак неўстойлівасць захаваецца. У суботу ападкі будуць лакальнымі — «дзесьці густа, а дзесьці пуста», тэмпература +18...+23°С. У нядзелю — невялікая воблачнасць, месцамі кароткачасовыя навальнічныя дажджы, раніцай туман з бачнасцю да 500 м. Уначы +12...+17°С, удзень ад +17°С на паўночным захадзе да +25°С на самым поўдні краіны.