«Сціплае вяселле на 300 чалавек»: Арына Сабаленка плануе «камернае» свята

• 21.06.2026, 15:23

Тэннісістка паведаміла, што ўжо вызначылася з датай і месцам.

Першая ракетка свету Арына Сабаленка паведаміла, што ўжо вызначылася з датай і месцам вяселля. У сакавіку тэннісістка атрымала прапанову ад бізнесмена Георгіаса Франгуліса.

«Я не хачу вялікае вяселле — максімум чалавек 300. З маштабнай вечарынкай, дзе ўсе павесяляцца», — кажа спартсменка.

«Ну так, усяго 300 гасцей — можна сказаць, сціплае камернае свята», — жартуюць у сацсетках.

Напрыканцы 2020 года тэннісістка падпісала праўладны ліст беларускіх спартсменаў, а ў пачатку 2021 года ўдзельнічала ў навагоднім тэлезвароце Аляксандра Лукашэнкі, што выклікала крытыку ў міжнароднай супольнасці.

Пасля пачатку вайны ва Украіне Сабаленка сутыкнулася з ціскам і байкотам з боку часткі ўкраінскіх спартсменак. У чэрвені 2023 года яна заявіла, што не падтрымлівае ні вайну, ні Аляксандра Лукашэнку.

У пазнейшых інтэрв'ю тэннісістка падкрэслівае, што выступае супраць ваенных дзеянняў, засяроджваецца выключна на спартыўнай кар'еры і пазбягае палітычных каментароў.