«Восенню пачнецца»

• 21.06.2026, 18:28

Z-блогер заклікаў расіян запасацца запалкамі і бульбай.

Вядомы расійскі Z-блогер Яўген Гольман чакае голаду ў Расіі ўжо гэтай восенню. Ён раіць суайчыннікам запасіцца таварамі першай неабходнасці ужо цяпер, пакуль не позна.

Пра гэта паведамляе «Дыялог».

«Краіне (канец)…, таму закупляйце грэчку, алей. Вы бачыце, што адбываецца ў Іркуцку: саляркі няма, пасяўной (няма). Таксама бачылі выступ міністра эканомікі ў Якуціі? Ды проста (жах)! А ў нас тут пляскі, таму, хлопцы, запасайцеся: соль, запалкі, тушонку. Падрыхтоўваемся да восені. Я вам вясной казаў: капайце бульбу, бо будзем толькі яе жраць: смажаную, вараную, у мундзірах, па-вясковаму», — заявіў прапагандыст.

Ён абвінаваціў у тым, што здарылася, расійскія ўлады, западазрыўшы іх у працы на Захад.

«Гэта наступствы таго, што нам уціраюць… Хлопцы, ніхто ваяваць не збіраецца! (…) Дамоўнічак. Інакш я гэта назваць не магу. Мне сорамна, што дзяржаўныя людзі прывешваюць да сябе зоркі Героя Расіі і распавядаюць, што ўсё (цудоўна). Не ўсё! Перастаньце (хлусіць)!» — запатрабаваў Гольман.