Налёт на Маскву: ЗСУ ўразілі цэнтр касмічнай сувязі «Дубна»

• 22.06.2026, 13:27

Паралізаваныя авіязносіны са сталіцы РФ.

21 чэрвеня і ў ноч на 22 чэрвеня падраздзяленні Сіл абароны Украіны нанеслі пашкоджанні расійскім аб’ектам, гаворыцца ў паведамленні Генштаба ЗСУ.

У паведамленні адзначаецца, што ўдар быў нанесены па цэнтры касмічнай сувязі «Дубна» ў Маскоўскай вобласці.

У выніку ўдару назіраецца маштабнае задымленне, сцвярджаюць украінскія вайскоўцы.

Уначы і раніцай 22 чэрвеня расійскія ўлады заяўлялі пра новую атаку дронаў на Маскву, раздаваліся выбухі. Мэр расійскай сталіцы Сяргей Сабянін сцвярджаў, што расійская ППА «збіла» каля 80 беспілотнікаў, якія ляцелі на сталіцу РФ. У аэрапортах Масквы адмянілі або перанеслі 367 рэйсаў.

Нагадаем, гістарычная атака на Маскву адбылася ў чацвер 18 чэрвеня. У той дзень пад ударам быў Маскоўскі НПЗ у раёне Капотня, з-за чаго расіяне фіксавалі пажары і маштабнае задымленне.