Узброеныя сілы Украіны ўпершыню збілі новы расійскі дрон «Чарніца»

• 22.06.2026, 17:16

Украінцы прадэманстравалі тэхнічную перавагу.

Украінскія ваенныя ўпершыню знішчылі расійскі беспілотнік «Чарніца». Пра гэта паведамілі у кампаніі «Генерал Чарэшня».

«Расія запусціла «Чарніцу». Запарожжа сустрэла яе «Чарэшняй». Упершыню ў Запарожжы была знішчаная «Чарніца» — новая ўдарная платформа, якую Расія актыўна выкарыстоўвае ў прыфрантавых раёнах», — адзначылі ў кампаніі.

Беспілотнік быў перахоплены падраздзяленнем «Посіпакі» 39-га зенітна-ракетнага палка і салдатамі 23-й брыгады Нацыянальнай гвардыі «Хортыца» з дапамогай перахопніка «Генерал Чарэшня».

Кампанія адзначыла, што «Чарніца» — гэта ўдарная платформа тыпу «лятаючае крыло» з далёкасцю палёту да 100 км, круізнай хуткасцю 75 км/гадз і ўстойлівасцю да сродкаў радыёэлектроннай барацьбы.