У Беларусі ўвялі новы крытэрый для вызначэння лепшых прадуктаў

• 22.06.2026, 17:42

Патрабаванні для атрымання знака якасці ўжорстчылі.

«Урад» унёс змяненні ў Палажэнне аб парадку прысваення Дзяржаўнага знака якасці. Пра тое, што яшчэ будуць патрабаваць ад кандыдатаў, паведамілі ў прэс-службе Савета Міністраў.

Дакументам быў зацверджаны абноўлены склад рэспубліканскай атэстацыйнай камісіі і не толькі.

Ніякіх краін, акрамя Беларусі

Паводле новага крытэрыю прадукцыя не павінна мець у сваёй назве геаграфічных указанняў, не звязаных з тэрыторыяй Беларусі.

У адваротным выпадку яна не атрымае Дзяржаўны знак якасці.

Таксама ў Палажэнне дадалі формулу, якая дазваляе аўтаматызаваць працэс адбору прэтэндэнтаў.

Былі ўнесены адрасныя змены ў асобныя пункты, каб прывесці нормы ў адпаведнасць з устаноўленым парадкам ацэнкі прадукцыі, а таксама для спрашчэння ўспрымання.