Украіна падпісала кантракт з Германіяй на 600 ракет для Patriot

• 22.06.2026, 20:02

Кіеў таксама хоча наладзіць уласную вытворчасць такіх боепрыпасаў.

Украіна падпісала з Германіяй кантракт на пастаўку 600 ракет для сістэм супрацьпаветранай абароны Patriot. Пра гэта паведаміў прэзідэнт Украіны Уладзімір Зяленскі у інтэрв'ю тэлеканалу ТСН.

Паводле яго слоў, ЗША цяпер здольныя вырабляць толькі каля 700 ракет для Patriot у год. Пры гэтым Вашынгтон некаторы час таму перадаў Германіі ліцэнзію на іх вытворчасць, пасля чаго нямецкія прадпрыемствы пачалі выпуск гэтых ракет, адзначыў украінскі лідар.

«Яны перадалі ліцэнзіі немцам некаторы час таму. Нямцы цяпер пачалі вытворчасць, і мы ўжо з імі падпісалі кантракт на сур'ёзную суму, на 600 ракет. Гэта добры кантракт — калі яно прыедзе, безумоўна, гэта даволі працяглы працэс», — сказаў Зяленскі.

Ён таксама паведаміў, што падчас апошняй сустрэчы з амерыканскім лідарам Дональдам Трампам на палях саміту G7 упершыню атрымаў станоўчы сігнал аб магчымай перадачы Украіне ліцэнзій на вытворчасць ракет для Patriot.

«Упершыню, таму што раней заўсёды было: «Ну, мы не ведаем, ну, можа быць, ну, паглядзім». <...> Яны сказалі, што бачаць магчымасць вырашыць гэтае пытанне для Украіны», — расказаў Зяленскі.

Паводле яго слоў, Украіна валодае ўсімі неабходнымі тэхнічнымі магчымасцямі для вытворчасці такіх ракет у Еўропе разам з Германіяй.

«Для гэтага мне патрэбныя ліцэнзіі ад Злучаных Штатаў. Бо я ўсіх ведаю — усе кампаніі, увесь дырэктарат еўрапейскіх і амерыканскіх кампаній, якія сёння сканцэнтраваныя на вытворчасці Patriot. Мы разумеем, што дайшлі да таго, што цяпер патрэбны асабісты OK ад Трампа, усе астатнія згодныя», — заявіў Зяленскі.