У Фінляндыі вырашылі дазволіць ваеннаслужачым насіць доўгія валасы

• 23.06.2026, 1:46

Новыя правілы ўступяць у сілу з 1 ліпеня.

Сілы абароны Фінляндыі абнавяць статут, дазволіўшы ваеннаслужачым насіць доўгія валасы незалежна ад пола. Новыя правілы ўступяць у сілу з 1 ліпеня, паведамілі ў ваенным ведамстве.

З пачатку наступнага месяца ўсім ваеннаслужачым будзе дазволена насіць прычоскі ў адпаведнасці з патрабаваннямі, што прымяняюцца да жанчын-ваеннаслужачых.

У абаронным ведамстве адзначылі, што даўжыня валасоў не ўплывае на баяздольнасць асабовага складу. Пры гэтым насіць доўгія валасы распушчанымі падчас службы па-ранейшаму не дазваляецца.

Цяпер статут прадугледжвае, што ваеннаслужачыя-мужчыны павінны насіць кароткія і акуратна падстрыжаныя валасы. Пасля ўступлення новых правілаў у сілу гэтыя абмежаванні будуць знятыя.