У расійскай Уфе прагрымелі выбухі на НПЗ

• 25.06.2026, 11:32

Над горадам падняўся чорны дым.

У расійскім горадзе Уфа (Рэспубліка Башкартастан) прагрымела серыя выбухаў і ўспыхнуў пажар у раёне нафтаперапрацоўчага завода. У неба ўзвіваецца чорны дым.

Пра гэта паведамляе Exilenova+.

Паводле папярэдняй інфармацыі, першыя выбухі ў Уфе прагрымелі каля 9:30 па кіеўскім часе. Мясцовыя жыхары кажуць, што мэтай атакі беспілотнікаў стаў НПЗ.

Exilenova+ сцвярджае, што пад удар маглі трапіць два з трох нафтаперапрацоўчых заводаў, размешчаных у Уфе.

«Два з трох НПЗ, якія ёсць у Уфе, былі паражаныя Сіламі абароны Украіны», — гаворыцца ў паведамленні.

Пакуль пацверджання гэтай інфармацыі няма.

У сацсетках актыўна дзеляцца кадрамі з месца здарэння.

Чым важны аб’ект

Нафтаперапрацоўчы комплекс у Уфе размешчаны прыблізна за 1400 кіламетраў ад дзяржаўнай мяжы Украіны. Ён лічыцца адным з найбуйнейшых і ключавых цэнтраў нафтаперапрацоўкі Расіі і адыгрывае важную ролю ў паліўным забеспячэнні краіны.