Гулец Марока ўпісаў сваё імя ў гісторыю чэмпіянатаў свету

• 25.06.2026, 12:43

Ісмаэль Саібары забіў галы ў кожным з трох матчаў групавога этапу.

25-гадовы паўабаронца зборнай Марока Ісмаэль Саібары стаў першым афрыканскім футбалістам у гісторыі, які забіў у кожным з трох матчаў групавога этапу чэмпіянатаў свету, піша sport.ua. Гулец Марока ўпісаў сваё імя ў гісторыю чэмпіянатаў свету.

Пасля галоў у матчах супраць зборных Бразіліі і Шатландыі марокацец паразіў вароты і зборнай Гаіці.

Саібары таксама стаў першым афрыканцам з 2010 года (Асамоа Г'ян, Гана), які вызначыўся трыма галамі ў адным розыгрышы сусветнага першынства.