Макрон: ЗША афіцыйна сталі на бок Украіны

• 25.06.2026, 22:15

У Вашынгтоне ўпершыню ўхвалілі тэкст, у якім ЗША больш не з'яўляюцца нейтральным пасярэднікам.

Злучаныя Штаты ўпершыню ўхвалілі тэкст, у якім Вашынгтон прызнае сябе не нейтральным пасярэднікам у вайне ва Украіне, а партнёрам Кіева.

Пра гэта паведамляе РБК-Украіна са спасылкай на заяву прэзідэнта Францыі Эмануэля Макрона падчас брыфінгу.

Паводле слоў Макрона, гаворка ідзе пра чатыры ключавыя накірункі, у якіх ЗША цяпер афіцыйна стаяць разам з еўрапейскімі партнёрамі і Украінай.

«Па Украіне, Злучаныя Штаты ўпершыню ўхвалілі тэкст, у якім адзначаецца, што яны больш не з'яўляюцца нейтральным пасярэднікам, а стаяць разам з намі ў пытанні падтрымкі тэрытарыяльнай цэласнасці Украіны, аказання ваеннай дапамогі, энергетычнай падтрымкі і санкцый супраць Расіі», — заявіў прэзідэнт Францыі.