Расійскі вайсковец вылучыў новы ўльтыматум Пуціну

• 26.06.2026, 7:35

У Расіі можа пачацца хаос, «якага яшчэ ніколі не было».

Расійскі ваенаслужачы Лунін, раней заяўляў пра мяцеж супраць Крамля, зноў выступіў з пагрозамі ў адрас расійскіх уладаў. Ён заявіў, што калі прэзідэнт РФ Уладзімір Пуцін не адрэагуе на яго звароты, акупанты сапраўды могуць пакінуць пазіцыі на фронце, піша Dialog.UA.

Паводле слоў ваеннага, у Расіі нібыта можа пачацца «хаос, якога яшчэ ніколі не было». Ён сцвярджае, што сітуацыя можа прывесці да ўнутранай катастрофы, калі Масква не зверне ўвагі на патрабаванні вайскоўцаў.

«Калі хлопцы, якія цяпер знаходзяцца на перадавой, пакінуць свае пазіцыі, наша краіна рухне», — заявіў ён.

У сваіх зваротах ён заклікаў Пуціна прыняць яго ў Крамлі ў прамым эфіры, каб перадаць даставерную інфармацыю пра сітуацыю на фронце і ўнутры краіны.

Пры гэтым ён сцвярджае, што не з'яўляецца лідарам якога-небудзь руху, а толькі спрабуе данесці атрыманыя ад вайскоўцаў паведамленні пра сапраўднае становішча спраў у шэрагах Узброеных Сіл РФ.

Вайсковец таксама заявіў, што патэнцыйнае супрацьстаянне ваеннага сектара Крамлю можа прывесці да крытычна небяспечнага ўнутранага канфлікту, і для гэтага ёсць перадумовы: раней Лунін ужо нібыта сустракаўся з нейкімі прадстаўнікамі ўлады, але тыя яго скаргі проста праігнаравалі.