Украінскія дроны знішчылі дзве пускавыя ўстаноўкі ЗРК С-300В пад Данецкам

• 26.06.2026, 10:45

Кошт адной устаноўкі — да $40 мільёнаў.

Аператары дронаў «Black Sky» са складу 3-й брыгады аператыўнага прызначэння Нацыянальнай гвардыі Украіны «Спартан» выявілі і паразілі пазіцыі супрацьпаветранай абароны расійскіх войскаў.

Аб’ектам агнявога ўздзеяння сталі два дэфіцытныя элементы зенітна-ракетнага комплексу праціўніка ў раёне часова акупаванага горада Валнаваха Данецкай вобласці.

У выніку баявых дзеянняў былі знішчаныя дзве пускавыя ўстаноўкі ЗРК С-300В.