Рух па Крымскім мосце быў закрыты з-за атакі дронаў

• 26.06.2026, 13:38

Да раніцы ўтварылася чарга з больш за 2 тысячы аўтамабіляў.

Расійскія акупанты перакрылі рух па Керчанскім мосце сёння ўначы, паведамляе Telegram-канал інфармацыйнага цэнтра па аўтамабільных дарогах.

Па стане на 12 гадзін у чарзе на ручны дагляд з боку Тамані знаходзіцца 250 транспартных сродкаў. Час чакання — каля гадзіны.

У чарзе на ручны дагляд з боку Керчы знаходзіцца 1850 транспартных сродкаў. Час чакання — каля пяці гадзін.

Таксама паведамляецца, што ў аўтамабілі можна перавозіць да 200 літраў «дазволеных вадкасцяў».

«Ідзе гаворка пра аб'ёмы звыш паліва ў баку — у прыватнасці, пра бензін і дызельнае паліва ў каністрах, пра ваду і іншыя вадкасці», — гаворыцца ў паведамленні.

Уначы 26 чэрвеня ўкраінскія вайскоўцы нанеслі паспяховыя ўдары па судах ваеннага забеспячэння, якія знаходзіліся на тэрыторыі суднабудаўнічага завода «Затока» ў часова акупаванай Керчы, а таксама па сродках супрацьпаветранай абароны праціўніка ў раёне Керчанскай пратокі.