Украіна і РФ правялі трэці этап абмену «1000 на 1000»

• 26.06.2026, 15:31

З палону вызвалена яшчэ 160 украінскіх вайскоўцаў.

Украіна і Расія правялі трэці этап абмену «1000 на 1000». У межах абмену ўдалося вярнуць з РФ 160 украінцаў.

Пра гэта паведамляе РБК-Украіна са спасылкай на Telegram-канал прэзідэнта Украіны Уладзіміра Зяленскага.

Якія вынікі 76-га абмену палоннымі

«Працягваем вяртаць дадому ўкраінцаў з расійскай няволі. Сёння з палону вызвалена 160 вайскоўцаў. Усе былі ў палоне яшчэ з 2022 года», — сказаў прэзідэнт.

Паводле яго слоў, сярод вызваленых ёсць вайскоўцы ЗСУ, Дзяржаўнай спецыяльнай службы транспарту, Нацгвардыі і памежнікі.

Гэта байцы, якія абаранялі Марыупаль, «Азоўсталь», а таксама Данецкі, Луганскі, Харкаўскі, Запарожскі, Кіеўскі, Чарнігаўскі і Сумскі накірункі.

«Памятаем пра ўсіх, хто ў няволі. Правяраем па кожным прозвішчы. Усіх павінны вярнуць — і вайскоўцаў, і цывільных», — дадаў прэзідэнт Украіны.

Папярэдні другі абмен у фармаце «1000 на 1000» адбыўся 5 чэрвеня. Тады з варожага палону ўдалося вызваліць 185 вайскоўцаў і аднаго цывільнага.

Да гэтага абмен адбыўся 15 мая. Тады яшчэ больш за 200 украінцаў вярнуліся дадому. Большасць з іх знаходзіліся ў няволі з 2022 года.