У РФ апублікавалі відэа, на якім схаваная камера здымае кіраўніка МЗС Беларусі

• 26.06.2026, 20:18

Відэа з'явілася напярэдадні візіту Лукашэнкі ў Расію.

Расійскі тэлеграм-канал «ЕЖ» напярэдадні візіту Аляксандра Лукашэнкі у Расію апублікаваў відэа з нібыта перахопленай размовай міністра замежных спраў Беларусі Максіма Рыжэнкава.

На запісе чалавек абмяркоўвае з падначаленым магчымую здзелку з амерыканскімі інвестарамі. На чорна-белым відэа нейкі мужчына сядзіць на заднім сядзенні аўтамабіля і размаўляе па мабільным тэлефоне. Пры гэтым гук і відэашэраг не супадаюць.

Паводле слоў мужчыны на аўдыё, здзелку з амерыканскім інвестарам асабіста кантралюе «Першы» — намёк на Аляксандра Лукашэнку. Гэтая здзелка нібыта павінна «адкрыць дзверы» для Беларусі, а яе кошт «не мае ніякага значэння», бо ўсе выдаткі нібыта плануецца «кампенсаваць за кошт суседзяў». Гэта відавочны намёк на магчымы продаж амерыканскім інвестарам у рамках «вялікай здзелкі» з Дональдам Трампам Нежынскага горна-абагачальнага камбіната калійных соляў.

Зазначым, відэа з'явілася напярэдадні візіту Лукашэнкі у Расію.