Зяленскі: Сябры Пуціна чулі ад нас, што завяршэнне вайны магчыма

• 26.06.2026, 22:16

Украіна чакае ад РФ «кроку да міру».

Сябры дыктатара Расіі Уладзіміра Пуціна чулі ад украінскага боку, што «завяршэнне гэтай вайны магчыма». Пра гэта ўкраінскі лідар Уладзімір Зяленскі заявіў 26 чэрвеня ў сваім відэазвароце.

— Украіна дала прапановы і ключавым партнёрам, і сябры Пуціна чулі ад нас, што магчыма сустрэча і магчыма завяршэнне гэтай вайны. Трэба, каб Расія зрабіла гэты крок да міру, — адзначыў прэзідэнт Украіны.

Ён дадаў, што ўкраінскія вайскоўцы штодня «даказваюць сілу ўкраінскай дакладнасці», а «далёкасяжныя санкцыі» Украіны і «санкцыі сярэдняй дальнасці» цалкам рэалізуюцца.

— Гэта нашы справядлівыя адказы Расіі за гэтую вайну — вайну, якую Расія пачала і якую Расія павінна скончыць. Расія павінна забраць гэтую вайну з сабой з Украіны — нам вайна не патрэбна, — заявіў Уладзімір Зяленскі.