Буркіна-Фасо разарвала адносіны з Францыяй

• 27.06.2026, 2:06

У афрыканскай краіне ў 2022 годзе адбыліся два перавароты.

Буркіна-Фасо разрывае дыпламатычныя адносіны з Францыяй, паведамляе Burkina24 са спасылкай на паведамленне ўрада афрыканскай дзяржавы.

Рашэнне прынялі ў выніку «ўважлівай ацэнкі» двухбаковых адносін, паколькі ўмовы для ўзаемнай павагі і нацыянальнага суверэнітэту больш не захоўваюцца, гаворыцца ў заяве кіраўніка ўрада Пінгдвендэ Жыльбера Уэдраога. Ён выказаў асуджэнне «няспыннай актыўнасці» Францыі, накіраванай супраць нацыянальных інтарэсаў Буркіна-Фасо і яе «неакаляніяльных амбіцый».

У Буркіна-Фасо ў 2022 годзе адбыліся два перавароты. Лідар краіны Ібрагім Траорэ носіць тытул «прэзідэнт пераходнага перыяду». У студзені 2022 года ён дапамог прыйсці да ўлады вайскоўцам Патрыятычнага руху за абарону і аднаўленне, якія зрынулі абранага прэзідэнта Рока Каборэ, а ў верасні Траорэ прыняў удзел у другім перавароце, у выніку якога пачаў кіраваць краінай.