Ракеты «Фламінга» паразілі ў Валгаградзе завод па вытворчасці ўстановак «Іскандэр-М»

• 27.06.2026, 18:17

Ракеты трапілі ў завод прынамсі тройчы.

У ноч на 27 чэрвеня расійскі Валгаград пацярпеў ад атакі украінскімі крылатымі ракетамі «Фламінга», якія паразілі завод «Тытан-Барыкады», што выконвае ваенныя заказы для арміі РФ.

Ракеты трапілі ў завод прынамсі тройчы, паведаміў маніторынгавы Telegram-канал «Exilenova+».

«Момант прылёту ракеты FP-5 «Flamingo» па АТ «ФНВЦ «Тытан-Барыкады» ў Валгаградзе», — гаворыцца ў подпісе да аднаго з відэа, на якім бачна, як ракета ляціць, каб паразіць расійскае абароннае прадпрыемства.

Адзначаецца, што завод «Тытан-Барыкады» — адзін з ключавых заводаў расійскага ваенна-прамысловага комплексу (ВПК) у Валгаградзе. Прадпрыемства вырабляе пускавыя ўстаноўкі, артылерыйскія сістэмы і кампаненты для ракетных комплексаў, у прыватнасці «Іскандэр-М», «Ярс» і «Топаль-М».

Пасля атакі на тэрыторыі завода пачаў падымацца густы дым.

OSINT-аналітык расійскага выдання ASTRA ўстанавіў, што дым падымаецца з тэрыторыі завода «Тытан-Барыкады».

«Кадр зняты з вуліцы Маскоўскай, адлегласць ад месца здымкі да тэрыторыі «Тытан-Барыкады» складае каля 6,5 км», — адзначыў асінтэр.

Губернатар Валгаградскай вобласці Андрэй Бачараў пацвердзіў нанясенне ўдару па рэгіёне і па адным з прадпрыемстваў.