Як Украіна вярнула яшчэ 160 сваіх абаронцаў: кранальныя кадры

• 27.06.2026, 12:29

Зяленскі апублікаваў фота абмену палоннымі.

Украіна і Расія правялі чарговы абмен ваеннапалоннымі. Былі вызвалены 160 украінскіх абаронцаў.

Пра гэта паведаміў прэзідэнт Украіны Уладзімір Зяленскі, перадае Цензор.НЕТ.

«Сёння з палону былі вызвалены 160 вайскоўцаў. Усе яны знаходзіліся ў палоне яшчэ з 2022 года.

Сярод вызваленых сёння — вайскоўцы Узброеных Сіл Украіны, Дзяржаўнай спецыяльнай службы транспарту, нацгвардзейцы і памежнікі. Яны абаранялі Украіну ў Марыупалі і на «Азоўсталі», на Данецкім, Луганскім, Харкаўскім, Запарожскім, Кіеўскім, Чарнігаўскім і Сумскім напрамках», — гаворыцца ў паведамленні.

Кіраўнік Украіны падзякаваў камандзе, а таксама падраздзяленням, якія на перадавой папаўняюць абменны фонд для Украіны.

«Памятаем пра ўсіх, хто знаходзіцца ў палоне. Правяраем па кожным прозвішчы. Павінны вярнуць усіх — і вайсковых, і грамадзянскіх», — падсумаваў ён.