Axios: Трамп скептычна ставіцца да Пуціна

• 27.06.2026, 19:24

Прэзідэнт ЗША дапускаў магчымасць адмовіцца ад «Анкарыджа».

Прэзідэнт ЗША Дональд Трамп падчас саміту G7 гаварыў пра ўзмацненне ціску на Расію і нават дапусціў, што можа адмовіцца ад дамоўленасцей на Алясцы (маецца на ўвазе Анкарыдж).

Пра гэта паведамляе РБК-Украіна са спасылкай на Axios.

Паводле слоў двух чыноўнікаў, якія былі на G7 на мінулым тыдні, Трамп падчас саміту выказаў незадавальненне дыктатарам РФ Пуціным і нават даў зразумець, што можа адмовіцца ад «анкарыджскіх дамоўленасцей».

Як піша Axios, згодна з гэтымі дамоўленасцямі ЗША прынялі патрабаванні Расіі пра тое, што ў рамках здзелкі РФ будзе кантраляваць Данбас.

Што датычыцца пасяджэння G7, адзін з чыноўнікаў сказаў, што ў Еўропе ёсць сумневы, што амерыканскі лідар сапраўды нешта прадпрыме для ціску на РФ.

- Трамп скептычна ставіўся да ўсяго, што датычылася Пуціна, і гаварыў пра ціск на Расію, але іншыя лідары не вераць, што ён сапраўды нешта прадпрыме, - паведаміў чыноўнік.

Заўважым, што Трамп на G7 сустрэўся з прэзідэнтам Украіны Уладзімірам Зяленскім, але перад гэтым размаўляў з Пуціным, а ўжо пасля саміту заяўляў, што Украіна цяпер даволі добра спраўляецца з вайной.