Сабаленка выказалася пра свой агрэсіўны вобраз

• 28.06.2026, 15:23

Шмат хто думае, што беларуская тэнісістка — «стэрва».

Першая ракетка свету, беларуска Арына Сабаленка, у інтэрв'ю The Guardian выказала здагадку, чаму некаторыя людзі лічаць, што яна стэрва.

Карэспандэнт піша, што Сабаленка разумее, чаму ў людзей могуць быць прадузятыя ўяўленні пра яе. Арына распавяла гісторыю пра сваю найлепшую сяброўку ў тэнісе, іспанку Паўлу Бадосу, якая таксама можа здавацца палохаюча халоднай на корце:

«Калі мы пазнаёміліся, я сказала: «О, я думала, што ты стэрва!» А яна адказала: «Я таксама так думала». Я палічыла: «Ну, напэўна, гэта не так, таму мы можам быць сяброўкамі». Яна сказала: «Так, мы насамрэч даволі падобныя». Верагодна, справа проста ў нашым стаўленні да гульні на корце».

Сабаленка разважае, што ёсць яшчэ адна рэч, праз якую людзі думаюць, што яна недружалюбная. І гэта яе твар: «Калі вы ўбачыце мяне ўпершыню, вы, верагодна, падумаеце, што я стэрва з-за майго славянскага твару. Гэта толькі пагаршае сітуацыю».

Чаму яна так лічыць?

«Калі я іду з бездастрасным выразам твару і без эмоцый, я магу выглядаць вельмі агрэсіўна. Таму я разумею, чаму некаторыя людзі лічаць, што я стэрва. Калі вы пазнаёміцеся са мной лепш, вы зразумееце, што гэта проста тое, з чым я нарадзілася».