Байдэн рэзка раскрытыкаваў Трампа

• 28.06.2026, 17:15

Былы прэзідэнт ЗША назваў яго «нарцысічным няўдачнікам».

Джо Байдэн выступіў на мерапрыемстве Дэмакратычнай партыі і раскрытыкаваў дзейнага прэзідэнта ЗША Дональда Трампа. 83-гадовы палітык назваў яго «нарцысічным няўдачнікам» і абвінаваціў у «дзёрзкай і адкрытай карупцыі», паведамляе The Times.

«Гэта не проста яго марнаслаўныя праекты — знос Усходняга крыла Белага дома дзеля ўласнай бальнай залы, прысваенне свайго імя Цэнтру Кенэдзі, будаўніцтва аркі сабе на гонар, нават найм уласнага наглядчыка басейна для рамонту Люстранага басейна. Ого! Які няўдачнік», — заявіў Байдэн.

Ідзе гаворка пра шматмільённую рэканструкцыю Люстранага басейна на Нацыянальнай алеі ў Вашынгтоне. Трамп абяцаў давесці помнік да найлепшага стану за ўсю яго 104-гадовую гісторыю, аднак падчас нядаўняй спёкі ў басейне зноў з’явіліся водарасці, а фарба на дне пачала аблазіць.

«Люстраны басейн адлюстроўвае нарцысізм і некампетэнтнасць, што ляжаць у аснове гэтай адміністрацыі», — дадаў Байдэн.

Паводле яго слоў, гэты праект стаў адным з прыкладаў «карупцыі ў маштабах, якіх раней не бачылі ў гісторыі ЗША».

Акрамя таго, Байдэн заявіў, што Трамп «падрывае аўтарытэт ЗША ў свеце больш, чым любы іншы амерыканскі прэзідэнт», «разбурае НАТА» і «стаўіць Пуціна вышэй за амерыканскіх саюзнікаў».