Пуцін зганьбіўся, распавядаючы пра сітуацыю на фронце

• 29.06.2026, 10:32

Аказваецца, баі ідуць на тэрыторыі РФ.

Расійскі дыктатар Уладзімір Пуцін 28 чэрвеня у інтэрв'ю прапагандыстам расійскага СМІ «Вести» заявіў, што ЗСУ «амаль акружаныя» ў раёне ракі Стары Аскол. Аднак Стары Аскол — гэта не рака, а горад у Белгарадскай вобласці РФ, размешчаны больш як за 100 км ад мяжы з Украінай.

«На левым беразе ракі Стары Аскол намі [падраздзяленнямі Узброеных Сіл РФ] фактычна заблакаваная разнародная групоўка праціўніка колькасцю каля 5 тысяч чалавек. Яна прыціснутая да ракі. Вось зверху наступае 1-я танкавая армія Узброеных Сіл Расіі і прыціскае праціўніка з поўначы, 3-я матастралковая дывізія з усходу падціскае, а 144-я дывізія — з поўдня», — заявіў расійскі дыктатар.

Пуцін дадаў, што да «поўнага акружэння» ўкраінскіх падраздзяленняў, нібыта, засталося прыблізна два кіламетры.

Аднак дарадца міністра абароны Украіны і грамадскі дзеяч Сяргей Стерненка адзначыў, што Стары Аскол — гэта горад у Белгарадскай вобласці РФ, які з’яўляецца адміністрацыйным цэнтрам Старааскольскай гарадской акругі.

«У Пуціна ўжо поўны маразм. Ён заявіў, што ЗСУ амаль акружаныя ў раёне Старога Аскола. Гэты горад знаходзіцца ў Белгарадскай вобласці за 100 км ад мяжы», — напісаў Сяргей Стерненка.