ГУР заманіла ў пастку элітных дэсантнікаў РФ

• 29.06.2026, 10:44

Відэафакт.

Спецпадраздзяленне Галоўнага ўпраўлення разведкі Мінабароны Украіны знішчыла «элітных» расійскіх дэсантнікаў у Запарожжы.

Расійская армія накіравала ў раён Стэпнагорска Запарожскай вобласці падраздзяленні разведкі ПДВ — паветрана-дэсантных войскаў, якія лічацца элітай сярод Узброеных Сіл РФ.

Мэта была не баявая: захапіць населены пункт і зняць відэа для справаздачы вышэйшаму кіраўніцтву краіны-агрэсара. То бок — зрабіць прапагандысцкую карцінку.

Варожая група дзейнічала ноччу. Дождж і спецыяльныя антыцеплавізійныя накідкі павінны былі дапамагчы застацца незаўважанымі.

Аднак штурмавікі спецпадраздзялення ГУР «Артан» ужо чакалі.

Яны наўмысна дазволілі расіянам падысці бліжэй — і толькі тады нанеслі ўдар. Эксклюзіўныя кадры місіі апублікавала прэс-служба ведамства.