У Чэхіі зафіксавалі новы тэмпературны рэкорд

• 29.06.2026, 12:53

+41,1°C.

У нядзелю ў Чэхіі зарэгістравалі другі тэмпературны рэкорд за два дні: у Доксанах, на поўнач ад Прагі, зафіксавалі 41,1°C.

Пра гэта паведаміў метэаралагічны інстытут CHMI ў сябе ў X, інфармуе «Еўрапейская праўда».

Паводле дадзеных CHMI, гэта першы выпадак, калі ў афіцыйнай сетцы метэастанцый зафіксавалі тэмпературу 41°C.

«Тэмпература працягвае расці, таму гэта яшчэ не канчатковы пік», — дадалі ў CHMI.

У нядзелю таксама Нямецкая метэаралагічная служба (DWD) трэці дзень запар зафіксавала тэмпературны рэкорд — 41,7°C.

Акрамя таго, у Польшчы зарэгістравалі найвышэйшую тэмпературу за ўвесь час назіранняў — 40,5°C.

Адзначым, +37,6 градуса складае новы абсалютны тэмпературны рэкорд чэрвеня ў Беларусі.