За выхадныя чарга ў ЕС вырасла на сотні аўтамабіляў

• 29.06.2026, 12:54

Якая сітуацыя на беларускай мяжы.

З пятніцы чарга грузавых аўтамабіляў на ўезд у Літву і Польшчу павялічылася на 210 адзінак. Пра гэта паведамілі ў Дзяржаўным памежным камітэце Беларусі 29 чэрвеня.

Паводле звестак ДПК, больш за 500 фур фіксуюцца перад памежнымі пераходамі Баброўнікі (Бераставіца) і Кукурыкі (Казловічы). За выхадныя польскія кантрольныя службы прынялі на сваю тэрыторыю 29% грузавога транспарту.

На ўезд у Літву перад пунктамі пропуску Мядзінінкай (Каменны Лог) і Шальчынінкай (Беняконі) чакаюць каля 40 вялікагрузных аўтамабіляў. Сумежны бок з пятніцы аформіў 20% грузавікоў ад нормы.

Акрамя таго, нязначная чарга легкавых аўтамабіляў фіксуецца на ўезд у Польшчу перад пунктам пропуску Кузьніца Беластоцкая (Брузгі) — 30 аўто. Супрацоўнікі сумежнага памежнага пераходу за выхадныя аформілі 27% транспарту.