ЗСУ падарвалі мост у Новаазоўску

• 29.06.2026, 13:58

Ён адыгрывае ключавую ролю ў лагістыцы Крыма.

Рух па мосце праз раку Грузскі Еланчык у раёне акупаванага Новаазоўска часова спынены пасля серыі ўкраінскіх атак. Пра гэта паведамляюць крыніцы акупантаў, піша «Дыялог».

Паводле іх звестак, аб’ект, які з’яўляецца часткай трасы Р-280 «Наварасія» і злучае Марыупаль, Мелітопаль і Крым з Растоўскай вобласцю РФ, неаднаразова трапляў пад удары. Таксама паведамляецца пра траплянне ў грузавы аўтамабіль непасрэдна на мосце.

Паводле слоў кіраўніка Цэнтра вывучэння акупацыі Пятра Андрющэнкі, менавіта ўзгаранне тэхнікі магло прывесці да пашкоджання канструкцыі.

«На гэты момант усё ачэплена паліцыяй і вайскоўцамі, праезд праз мост зачынены», — заявіў ён.