Некаторыя банкі Беларусі ўводзяць валютныя змены

• 29.06.2026, 21:08

Падрабязнасці.

Некаторыя банкі абвясцілі, што ўводзяць валютныя навацыі. «Зеркало» распавядае, што і калі зменіцца для іх кліентаў.

«Альфа Банк» абвясціў, што адмяняе камісію за папаўненне наяўнымі доларамі рахункаў у гэтай валюце.

«Сбер Банк» анансаваў, што пры пераказе расійскіх рублёў па нумары тэлефона з яго расійскай «мамы» — «Сбербанка России» — на рахунак у расійскіх рублях будзе аўтаматычна ажыццяўляцца падвойная канвертацыя: спачатку ў беларускія рублі, затым назад у расійскія рублі.

«Белгазпромбанк» паведаміў кліентам, што з 29 чэрвеня ўвёў ліміт на зняцце наяўных долараў і еўра з карпаратыўнай карткі: за суткі цяпер дазволена здымаць не больш за 1250 долараў у эквіваленце.

Раней «Сбер Банк» анансаваў, што з 1 ліпеня ўсталюе ліміт на банкаўскія пераказы ў замежнай валюце, якія ажыццяўляюцца праз сістэму «СберБанк онлайн» на рахункі фізічных і юрыдычных асоб у банках па-за межамі Беларусі.

Тым часам «Альфа-Банк» з 16 чэрвеня змяніў стаўкі па асобных нанова афармляемых безадклікавых укладах у кітайскіх юанях.

Таксама многія банкі ўвялі камісію за залічэнне на рахункі наяўных расійскіх рублёў. Збор складае ад 2 да 5% у залежнасці ад фінустановы. Пры гэтым некаторыя банкі ўвялі камісію толькі для нерэзідэнтаў Беларусі.