Дроны атаквалі Санкт-Пецярбург: горад у дыме

• 3.06.2026, 7:43

Паражаны найбуйнейшы нафтавы тэрмінал.

Пад раніцу 3 чэрвеня ўдарныя беспілотнікі атакавалі расійскі Санкт-Пецярбург, дзе быў паражаны мясцовы нафтавы тэрмінал. Сёння там пачнецца Пецярбургскі міжнародны эканамічны форум, які працягнецца да 6 чэрвеня, піша «Фокус».

Неба над горадам паглынуў густы чорны дым, што відаць на відэа, якое апублікаваў маніторынгавы тэлеграм-канал «Exilenova+».

«Санкт-Пецярбург, здзейснена нападзенне на Піцерскі нафтавы тэрмінал», — гаворыцца ў паведамленні маніторынгавага канала.

Расійскае выданне Astra правяло ўласны OSINT-аналіз і пацвердзіла, што БПЛА паразілі найбуйнейшы нафтаперапрацоўчы комплекс на паўночным захадзе Расіі — АО «Петербургский нефтяной терминал».

«ASTRA прааналізавала шматлікія кадры пажару, прадстаўленыя відавочцамі, і прыйшла да высновы, што атакаваны і гарыць АО «Петербургский нефтяной терминал» у Санкт-Пецярбургу», — адзначылі ў выданні.

Журналісты падкрэслілі, што сёння ў горадзе пачынаецца Пецярбургскі міжнародны эканамічны форум, які, між іншым, наведаюць замежныя бізнесмены.

Як падлічыла ASTRA, ад нафтавага тэрмінала, які паразілі дроны, да «Экспофорума», дзе пройдзе эканамічны форум, — каля 17 кіламетраў.

Адзначаецца, што «Петербургский нефтяной терминал» — адзін з найбуйнейшых расійскіх тэрміналаў па перавалцы нафтапрадуктаў у Балтыйскім рэгіёне, сучасны спецыялізаваны перагрузачны комплекс і найбуйнейшая на сёння стывідарная кампанія Вялікага порта Санкт-Пецярбурга.

На яго тэрыторыі агульнай плошчай 37 га размешчаны 21 рэзервуар для захоўвання светлых і цёмных нафтапрадуктаў. Прапускная здольнасць — 12,5 млн тон у год. «Петербургский нефтяной терминал» прызнаны прадпрыемствам, якое мае стратэгічнае значэнне для забеспячэння бяспекі РФ.

Губернатар Ленінградскай вобласці Аляксандр Драздзенка далажыў пра збіццё 50 беспілотнікаў, аднак паражанне нафтавага тэрмінала ў Піцеры не пракаментаваў.