Чаму коткі жывуць даўжэй за сабак?

• 3.06.2026, 10:15

Адказ вучоных здзівіць шмат каго.

Хатнія коткі звычайна радуюць сваіх гаспадароў на некалькі гадоў даўжэй, чым сабакі, і цяпер гэтаму ёсць дакладнае навуковае тлумачэнне, піша WeLoveDogz.

Навукоўцы пад кіраўніцтвам Універсітэта Бата вывучылі 46 відаў млекакормячых і заўважылі цікавую заканамернасць: чым больш у жывёлы мозг, тым мацнейшы ў яе імунітэт і тым даўжэй яна жыве. Гэта значыць, працягласць жыцця вызначаецца не нейкім адным чарадзейным генам, а глабальнымі зменамі ва ўсім арганізме.

Як высветлілася, у котак суадносіны мозгу да цела вышэйшыя, чым у большасці парод сабак. А паколькі коткі эвалюцыянавалі як адзіночныя і хітрыя паляўнічыя, гэта надало ім розум, кемлівасць і паводзінную адаптыўнасць.

Але галоўная фішка — у імунітэце. У котак ён працуе, як швейцарскі гадзіннік: своечасова выдаляе старыя або пашкоджаныя клеткі, цудоўна кантралюе інфекцыі і блакуе развіццё пухлін. У вусатых значна ніжэйшая захворвальнасць на пэўныя віды раку, а любыя хранічныя запаленні працякаюць значна павольней, чым у сабак.

Таму пакуль сабачкі трацяць энергію на іншыя эвалюцыйныя штукі, коткі проста інвеставалі свой рэсурс у моцнае здароўе і доўгія гады муркатання.